క్రిప్టో కరెన్సీ అనేది ఒక డిజిటల్ కరెన్సీ. కంప్యూటర్ లేదా మొబైల్ ఫోన్స్ ఉపయోగించి ఈ డిజిటల్ కరెన్సీని సంపాదించవచ్చు.
క్రిప్టో కరెన్సీపై ఎవరి నియంత్రణ ఉండదు. డీసెంట్రలైజ్డ్ సిస్టం ద్వారా ఈ క్రిప్టో కరెన్సీ పనిచేస్తుంది.
డీసెంట్రలైజ్డ్ అంటే అర్థం ఈ కరెన్సీ పై కేంద్ర ప్రభుత్వాలు , ఇతర కంపెనీలు గాని ఎటువంటి అధికారాన్ని చేలాయించలేవు.
క్రిప్టో కరెన్సీ విలువ డిమాండ్, సరఫరా ఆధారంగా పనిచేస్తుంది. బ్లాక్ చైన్ టెక్నాలజీ ఆధారంగా క్రిప్టోకరెన్సీలు పనిచేస్తాయి.
ప్రపంచంలో మొట్టమొదటిగా బిట్ కాయిన్ అనే క్రిప్టో కరెన్సీని సతోషి నకమోటో అనే పేరుగల వ్యక్తి 2008 ఆక్టోబర్ లో కనుగొన్నాడు. ఒకవిధంగా చెప్పాలంటే బిట్ కాయిన్ అనేది ఇప్పుడు మనం వాడుతున్న అన్ని రకాల క్రిప్టో కరెన్సీలకు మూలం.
ప్రపంచంలో బిట్ కాయిన్, ఇథీరియం, డాష్, లైట్ కాయిన్, రిపుల్ వంటివి ప్రముఖ క్రిప్టో కరెన్సీలుగా కొనసాగుతున్నాయి.
క్రిప్టో కరెన్సీ పై 2018 లో భారత ప్రభుత్వం నిషేధాన్ని విధించింది. తరువాత సుప్రీం కోర్ట్ ఈ నిషేధాన్ని తొలగించింది.
ఈ కరెన్సీ ని ఆన్లైన్లో మైనింగ్ చేయడం ద్వారా సంపాదించవచ్చు.
క్రిప్టో కరెన్సీని వివిధ రకాల వెబ్సైట్ల ద్వారా కూడా కొనుక్కొని దాచి పెట్టుకోవచ్చు. దీని విలువ పెరిగిన వెంటనే మన బ్యాంక్ ఖాతాలోకి డబ్బును తీసుకోవచ్చు.
డిజిటల్ కరెన్సీలో మొదటిగా ఏర్పడిన బిట్ కాయిన్ 2010 వ సంవత్సరంలో 0.06 డాలర్లుగా ఉండేది అంటే అప్పటి భారత రూపాయితో పోలిస్తే ఒక రూపాయి కూడా ఉండదు. ప్రస్తుతం ఈ కాయిన్ విలువ 50 లక్షల రూపాయల పైనే ఉంది.
క్రిప్టో కరెన్సీ రాబోయే కాలంలో ఎక్కువగా వినియోగించే అవకాశం ఉంది. దీనిని మనం కొనవచ్చ లేదా అనేది వ్యక్తిగత విషయం కాబట్టి మీ దగ్గర డబ్బులు ఎక్కువగా ఉన్నప్పుడు కొనుక్కోండి.
ఇటువంటి కాయిన్స్ ఒకేసారి అమాంతం పెరగచ్చు లేదా అమాంతం తగ్గిపోవచ్చు. దీని విలువ డిమాండ్ మరియు సరఫరా ఆధారంగా ఉంటుంది.
